गायिका मिलन अमात्यले हेटौडाका दर्शकसँग सांगीतिक मिलन गाँसेकी छन्

मकवानपुर, १४ माघ । ‘गाला रातै, सिरीमा सिरी कान्छा, स्लोली, स्लोली’ लगायतका आधा दर्जन भन्दा बढी गीत गाएर गायिका मिलन अमात्यले हेटौडाका दर्शकसँग सांगीतिक मिलन गाँसेकी छन् ।पछिल्लो समयमा विशेष गरी नेपाली चलचित्रका गीतमा सुमधुर आवाज दिँदै आएकी गायिका अमात्यको गीतले दर्शकको ताली र हौसला पाएको थियो । राष्ट्रिय निर्माण तथा औद्योगिक व्यापार मेलाको आठौं दिन बुधबार गायिका अमात्यसहित हास्य कलाकार सुबोध गौतम, आरम्ब व्याण्डको प्रस्तुतिको साथमा स्थानीय ब्याण्डको साथै हेटौडा आइडलका प्रतियोगीको प्रतिस्पर्धा तथा नृत्य निकै आकर्षक रहेको थियो ।आज बिहीबार ख्याती प्राप्त लोकगायक रामजी खाँण, सीता थापा, ऋषिलाल श्रेष्ठ, पार्वती राई साथमा प्रकाश कटुवाल र रोमा न्यौपानेको एक खुट्टे नृत्यको प्रस्तुति रहनेछ । साथमा मेलाको थप आकर्षको रुपमा हास्यकलाकार भद्रगोल समूहको प्रस्तुति पनि रहने प्रचारप्रसार संयोजक जीवन कार्कीले बताए ।निर्माण व्यवसायी संघको रजत महोत्सवको अवसरमा माघ ७ गतेबाट सुरू भएको मेला माघ १८ गते समापन हुने मेला मूल आयोजक समितिका संयोजक आनन्दराम पराजुलीले बताए