टाउँकोमा टिका र शरिरमा पहेलो धर्का भएको पहेलो रङको सर्प दैनिक बस्ने र गणेश मुर्तिलाई घेरेर बस्न थालेपछि स्थानीयले नागपुजा गर्ने गरेका छन्। नियमित सर्प देखिन थालेपछि स्थानीयले दैनिक धुप बाल्ने, दुध खुवाउने र पैसा दान गर्ने गरेका छन्। राजमार्ग भएर आवतजावत गर्ने र चौराहमा आराम गर्ने यात्रीले अनौठो सर्प हेर्ने र पूजा गर्ने गरेका छन्।
तीनवटा सर्प रहेपनि दैनिक एकमात्र बाहिर निस्कने गरेको छ। आलोपालोमा बाहिर निस्कने अनौठो प्रकारको सर्प तीन महिनादेखि बसेपछि हेर्ने र पुुजा गर्ने बढेको मन्दिरका पुजारी हरि अर्यालले बताए। लामो समयदेखि सर्प बस्दै आएको र अन्य सर्पभन्दा रङ, लम्बाई र व्यवहारसमेत फरकपन रहेको उनले जनाए।
सर्प हेर्ने र पुजा गर्नेको भीडपछि मन्दिरले धारामा दानापेटी, नागको तस्विर राख्ने र दैनिक अगरबत्ती बाल्दै नागपुजा गरिँदै आएको छ। स्थानीय हेमबहादुर थारुले दैनिक सर्प गणेश मुर्ति घेरेर बस्ने तर भागेर अन्त नजाने गरेको बताए। अनौठो सर्प र अनौठो बानीले सर्पको पुजा गर्ने मानिसहरु आउने गरको उनको भनाइ छ। दैनिक पिउने पानीमा अनौठो सर्प बसेपछि स्थानीयले धारामा आउने खानेपानी बन्द गरी मन्दिरमा रहेको धारामा पानी पिउने र ओसारप्रसार गर्छन्।