गीतकार तथा गायिका गायत्री थापाले गुल्मीको सन्दर्भ जोडेर नयाँ लोकदोहोरी गीत बजारमा ल्याएकी छन् । गुल्मी जाने हो शिर्षकको गीतको भिडियो समेत तयार भइसकेको छ । झण्डै दुइ सय लोक तथा आधुनिक गीत लेखिसकेकी थापाले आफु जन्मेको ठाँउ प्रति यो गीत समर्पण गरेकी छन् ।
गुल्मीबाट बँसाइ सरि वुटवल झर्ने क्रम तिब्र रहिआएको सन्दर्भबाट शुरुभएको गीत यतिवेला लोकप्रिय बनिरहेको छ । गीतमा थापाले गुल्मीका ऐतिहासिक तथा धार्मीक हिसावले महत्वपुर्ण क्षेत्रहरुको चर्चा गर्दै माया प्रेमलाई समेटिकी छन् ।
गुल्मीका विभिन्न स्थानमा पुगेर छायांकन गरिएको यो गीतको भिडियोको निर्देशन स्वयं थापाले गरेकी छन् । नेत्र अर्यालको लय शब्दमा मेक्सम खाती क्षेत्री र गायत्री थापाको स्वर यस गीतमा रहेको छ ।
‘कामको सिलसिलामा गुल्मी छाड्नु परेपनि गुल्मीको अन्यन्तै माया लाग्छ त्यसेले गीतकै माध्यमाबाट गुल्मीलाई थप चिनाउन चाहन्छु’ नेपालीकलासँग कुरा गर्दै थापाले भनिन ‘यो गीत सुनेर गुल्मीबासी सबैले स्यावासी दिनुभएको छ ।’
गुल्मी महोत्सव नजिकिदै गर्दा बजारमा आएको यो गीतले महोत्सव सँगै थप चर्चा पाउने उनको विश्वास छ । थापा सृजना सँगै संगीत व्यवसायमा समेत लामो समयदेखि सक्रय छिन् । उनको शिवदर्शन डिजिटल प्रा.लि नामक कम्पनी रहेको छ ।
हेर्नुहोस भिडियो