निर्माता छविराज ओझा र अभिनेत्री रेखा थापाको सम्बन्धको राम्रो छैन । बैबाहिक जीवनबाट अलग भएपछि एकर्काको बारेमा कुरा काट्ने गर्ने यी दुई फिल्मीकर्मी आज एकसाथ देखिए । 

 

 

 

फिल्म 'तथास्तु'को प्रेस शोमा पुगेका छबि सुरुवातमा रेखालाई देखेर केही असजिलो मान्दै थिए । तर, उनले छबि नजिकै पुगेर फिल्मको सफलताको बधाई दिंदै हात मिलाए । दुबैले एकसाथ तस्बिर पनि खिचाए ।

 

छबि र रेखाको सम्बन्ध विच्छेद पश्चात उनीहरुमा यस्तो दृश्य दुर्लभ देखिएको थियो । रेखा अभिनित फिल्म हेर्न छबि हलमा पुग्दा उपस्थित अन्य फिल्मकर्मी र सञ्चारकर्मीबिच अन्यौलता देखियो । 

 

सविर श्रेष्ठको निर्देशनमा बनेको यो फिल्ममा रेखा मुख्य भूमिकामा छिन् । उनको साथमा सुवास थापा, किशोर खतिवडा र विज्ञान जोशी देखिएका छन् ।

 

 

 

नारी हिंसा र बदलाको कथा भन्ने यो फिल्मलाई आमन्त्रित अतिथीहरूले रुचाए । अभिनेत्रीहरु केकी अधिकारी, प्रियंका कार्की, वेनिशा हमाल, हाँस्यकलाकारद्धय दीपकराज गिरी र दीपाश्री निरौला पनि प्रेस शोमा देखिए ।