दक्षिण अफ्रिका विश्वकप क्रिकेटको क्वाटर फाइनलमा
१२ मार्च, वेष्टप्याक । यूएईलाई पराजित गर्दै दक्षिण अफ्रिका विश्वकप क्रिकेटको क्वाटर फाइनलमा प्रवेश गरेको छ । अष्टे्रलिया र न्यूजील्याण्डमा जारी वन डे इन्टरनेशनलको बिहीबार भएको खेलमा साउथ अफ्रिका १४६ रनले विजयी भएको हो । वेष्टप्याक रंगशालामा टस हारेर ब्याटिङ्को निम्तो पाएको साउ अफ्रिकाकोले निर्धारित ५० ओभरमा ६ विकेटको क्षतिमा ३४१ रन बनाएको थियो ।
जितसँगै दक्षिण अफ्रिकाको ८ अंक छ भएको छ समूह बीको दोस्रो स्थानमा छ ।५ खेलबाट १० अंक जोडेर शीर्ष स्थानमा रहेका भारत यसअघि नै क्वाटर फाइनल पुगिसकेको छ । अब पाकिस्तान, आयरल्याण्ड र वेष्टइण्डिज मध्ये दुई टीम अघिलो चरण प्रवेश गर्नेछन् । पाकिस्तान र आयरल्याण्डको ६ अंक छ भने वेष्टइण्डिजको चार अंक छ । समूह चरणको आफ्नो अन्तिम खेलमा पाकिस्तानले आयरल्याण्ड र वेष्ट इण्डिजले यूएईसँग खेल्नेछ ।
विलिङटनमा टस हारेर पहिले ब्याटिङ थालेको दक्षिण अफ्रिकाले पहिलो विकेट भने सस्तैमा गुमाएको थियो । उसको स्कोर १७ रन हुँदा ओपनर हसिम अमला मात्र १२ रनमा पभेलियन फर्किए । उसले ९६ रन जोड्दा सुरुवाति तीन विकेट गुमाइसकेको थियो । तर, मध्यक्रमका ब्याट्सम्यानले दक्षिण अफ्रिकाको पारी सम्हाले ।
डिभिलियर्सले चाथौ विकेटका लागि डेभिड मिलरसँग १०८ रनको साझेदारी गरे । मिलर ४९ रनमा आउट भएपछि डिभिलियर्सले जेन पल डुमिनीसँग ५३ रनको साझेदारी गर्दै दक्षिण अफ्रिकाको स्कोर २५७ पुर्याए । डिभिलियर्सलाई छैटौं विकेटका रुपमा ९९ रनमा कमरान शाजेदले पभेलियनको बाटो देखाइदिए ।
डेमिनी २३ रनमा आउट भए । तर, फरहान बहाडीयन र भर्नन फिलेन्डरले अन्तिम तीन ओभरमा ४९ रनको महत्वपूर्ण साझेदारी गरेपछि दक्षिण अफ्रिकाले ५० ओभरमा ६ विकेट गुमाएर ३४१ रन बनायो । बहाडीयनले मात्र ३१ बलमा अविजित ६४ रन बनाए भने फिलेन्डर १० रनमा अविजित रहे । यूएईको मोहम्मद नाभिदले ३ विकेट लिएका थिए । जवाफमा मैदान उत्रिएको यूएईले १९५ रन जोड्दा अलआउट भयो ।